ونس بقلم هاجر

ونس بقلم هاجر 
.. إنتي طالق.
بصيتله پصدمة وعيوني دمعت وقولت برعشة في صوتي .. خالد إنت بتهزر صح قول إنك بتهزر بتطلقني وفرحنا بكرة
إتكلم ببرود وقال بعد ما ۏلع سېجارة.. أنا كدا حققت مرادي وإحمدي ربنا إني مكملتش وطلقتك بعد الفرح ب يومين بس قولت إنك مالكيش ذنب وكفاية عليكي لحد كدا
إتكلمت بعصبية ودموع وأنا مش فاهمة حاجة وقولت.. إيه هو مرادك وماليش ذنب ف إيه

.. إبقي إسألي والدك عن ذنب عمله زمان من آيهم السيوفي
بصيتله وقولت بإستغراب وسط دموعي.. أيهم السيوفي مين
إبتسم وقال.. لما تقوليله الإسم هيقولك
كان هيمشي بس رجع تاني وقال بنفس الإبتسامة الخبيثة.. بالمناسبة مسميش خالد إبراهيم إسمي علي أيهم السيوفي
بصيت له وأنا لحد دلوقتي مش مستوعبة اللي حصل قدامي دا هو أكيد بيهزر وهيرجع أكيد ماهو مش معقول خالد حب حياتي ومكتوب كتابنا وهنتجوز بكرة وطلب يقابلني عشان يديني هدية جوازنا يعمل فيا كدا لا لا مستحيل فضلت قاعدة مستنياه يرجع ما هو أكيد بيهزر برضوا ياجماعة ولكنه مجاش قومت وأنا بلم قلبي اللي إتكسر ورايا فضلت ماشية في الشارع بعيط وأنا مش مصدقة أو مش مستوعبة اللي حصل يعني إيه يعني طول ال 3 سنين دول كان بيضحك عليا وغرضه بس الإنتقام طب أنا ذنبي إيه وذنب قلبي إيه كنت ماشية الناس كلها بتتفرج عليا بس أنا مكنتش شايفة حد قدامي لحد ما في عربية سريعة جات وملمحتش منها غير النور وبعدها مش فاكرة آي حاجة تاني.
فوقت وحواليا نور كتير أوي وبحاول أفتح عيني منه مش عارفة ولكني واحدة واحدة فتحت عيوني ولاقيت بابا قاعد جنبي وبيقول وهو بيبكي.. الحمد لله يا بنتي الحمد لله أنا أسف أسف على اللي حصلك بسببي من الحيوان اللي إسمه علي
بصيتله بإستغراب وقولت.. علي مين يابابا
كمل بنفس دموع الندم وقال.. قصدي خالد أو اللي كان عامل نفسه خالد
بصيتله بدهشة أكتر وقولت.. خالد مين وعلي مين يابابا أنا مش فاهمة وأنا بعمل إيه هنا
بصلي بخضة وقال.. إنتي مش فاكرة حاجة
بصيتله بإستغراب وقولت.. حاجة زي إيه
سكت شوية وقال.. لأ يابنتي مفيش أصلك عملتي حاډثة و واحد إسمه خالد هو اللي كان سايق
بصيتله بتعب وقولت.. أنا مش فاكرة آي حاجة عن الحاډثة كل اللي فاكراه إني كنت قاعدة بتعشى معاك بس
بصلي بشفقة وقال.. معلش ياحبيبتي من أثر الصدمة بس إرتاحي إنتي وأنا هكلم الدكتور وآجي
سابني وطلع وأنا قاعطة بحاول أفتكر آي حاجة ولكني مش فاكرة ولكن اللي تاعبني أكتر من ۏجع جسمي إني حاسة بإحساس خنقة وضيق رهيب جوايا من سبب أنا مش عارفاه طلبت من بابا إني أخرج من المكان دا بسرعة لإن أكتر مكان بكرهه هو المستشفى ف إتكلم وقال.. راسك بس فيها إصابة بسيطة لإن الإرتطام كان ناحيتها هيلفوهالك وهنخرج تاني يوم على طول
هزتله راسي بتعب وأنا مش قادرة أتجاهل إحساس الۏجع اللي جوايا عدا باقي اليوم عادي وجه تاني يوم خرجت من المستشفى وأول ما وصلنا البيت الحاجة الوحيدة اللي كنت بفكر فيها هي البحر طلبت من بابا إني أخرج ولكني صمم أرتاح شوية وأكل وبعدين هيسيبني أخرج سمعت الكلام بس عشان أخرج لكن من جوايا لسة حاسة بنفس إحساس الضيق طلعت لبست ونزلت و رحت أقرب مكان ل قلبي البحر.
قعدت قدامه وبدأت أكلم نفسي وأنا ببكي ومعرفش السبب ولكني حاسة إني موجوعة وقولت.. أنا مش عارفة إذا كان بابا مخبي عليا حاجة أنا مش فكراها بس أنا حاسة بۏجع كبير أوي جوايا حاسة بكسرة مش فاهمة سببها أنا بجد مش قادرة أستحمل الۏجع دا كله لوحدي واللي تاعبني أكتر إني مش فاهمة السبب
بدون مقدمات لاقيت حد بيتكلم جنبي وبيقول.. مش لازم تفهمي السبب اللي المفروض تعمليه هو إنك تعرفي إزاي تتغلبي على الإحساس دا
بصيت جنبي بخضة وقولت.. على فكرة إنت خضتني وبعدين إنت مين عشان تسمعني وتتكلم معايا كدا
بصلي وياريته ما بص لي عيونه بنية من النوع اللي تحسه رمل بن جوا عيونه وإنت مجرد إنك بتغوص فيه بس إتكلم وقال.. إعتبريني عابر سبيل
بصيت قدامي وقولت.. مش مرحب