حصون هاويه.. بقلم دهب محمد
بقوه و لكن لقد فات الاوان و لم يعد من الممكن أن يحقق حلم لم يكن يحلم به هو فقط بل كان يراوض كل من فى المنزل
فلاش بااك
زيد .. يا بنى بقولك ابويا وعدنى انى اول ما اثبت فى شغلانه هيجوزهالى و انا خلاص مستشفى الشريف اخيرا وافقت اشتغل معاهم
ظل يستمع للطرف الآخر و ابتسامته تكاد تصل لاذنيه من السعاده
زيد .. خلاص انا هروح اكلم الحاج فى طلبى و طلبك و اهو نكون سوا حتى فى الجواز
زيد .. حد خالع راسه
تعالت ضحكاتهم و والده يشير له أن يدخل
عامر .. ايه إلى مصحيك لحد دلوقتي يا ولد مش عندك شغل بدرى
جلس على مقعد قريب و هو يغمز له
زيد .. الشوق يا حاج عارفه
عامر .. عارفه يا خويا
عزه .. اوعى تقول انك خلاص قررت تتجوز
زيد .. والله يا ست الكل انا عايزه النهارده قبل بكره بس شوفى جوزك بقى رافض
تعالت ضحكاته و هو يرى أبيه وقع في الفخ
نظرت له عزه بجهل .. انا مش فاهمه حاجه
عامر .. ابنك بيتسلى علينا خلاص عجزنا
انحنى سريعا يقبل يده بحب .. العفو يا حاج ده انت البركه و الحاجه الى منورين البيت
عزه .. تعيش يا حبيبي
اتسعت ابتسامته بحب و هو يأخذه فى صدره بحنان عامر .. خطوبتك الاسبوع الجاى وانا هكلم عائشه بكره و متاكده انها مش هترفض يلا علشان تعرف أن كلمتى واحده بس
زيد .. عارف يا حاج عارف ربنا يباركلى فيك
خرج من الغرفه سريعا يريد الاختلاء بنفسه يشعر بالسعاده التى طال انتظارها و ها هى تدق بابه اخيرا
باك
وضع رأسه على الوساده و قد بدأ يرتعش جسده بقوه بينما تتساقط الدموع من عينه على ما اقترفته يده من آثام يتجرع آلامها حتى الآن
واقفه هى تتابع ما يحدث كعين الصقر لا تترك كبيره ولا صغيره منذ أتى و هو متغير ليس التغير الذى أصبح عليه بعد الحاډث و لكن تغير مختلف لا تعلم كيف تصنفه و لكن هناك شئ خطأ ليس هذا زيد الذى سافر بل هو شبح عنه خيال يظهر أنه يضحك يتفاعل و لكن الحقيقة هناك شئ بعيد يكاد يكون غير ظاهر يؤكد احساسها و هى لن تكذب احساسها و سوف تتبعه حتى تصل لما حدث له أو ما يحدث
عائشه .. اوك يلا بينا
ما أن خرجت من المنزل حتى ترددت و هى تحاول اظهار عدم الاهتمام
عائشه .. بقولك يا ديجه
خديجه .. امم قولى
عائشه .. مش تحسى زيد متغير شويه
لمعت عيناها و هى تنظر لها بخبث
خديجه و انتى بقى لاحظتى يا صغنن
عائشه .. عادى يا بنتى زيد زى اخويا و متربين مع بعض فاطبيعى الاحظ إذا اتغير ولا لأ
عادت خديجه لطبيعتها فى الحديث و احباط داخلى أن ما قد تتمناه لأخيها و ابنه عمها لن يحدث كلما تقترب من الشعور أنهم من الممكن أن تتغير علاقه الاخوه إلى أكثر من هذا ياتى ردهم مختلف مما يحبطها و يفشل مخططاتها تجاههم
عائشه .. ممكن
فى صباح يوم جديد و احداث جديده قررت عائشه أنها سوف تراقب جميع تصرفات و حركات زيد حتى تعلم ما غيره هكذا اتجهت عزه سعيده بلم شمل أسرتها الصغيره مره اخرى الى غرفه زيد ابتسمت بحنان و هى ترى صغيرها نائم على فراشه فى منزله اخيرا لقد عاد إليها و لن تتركه يذهب مره اخرى اتجهت إلى ستائر الغرفه و هو تفتحها بينما تصيح
عزه .. يا زيد يا بنى اصحى الضهر قرب يأذن .....زيد
تململ و هو يحاول تغطيه وجهه من اشعه الشمس
عزه .. زيد يلا بقى انا مستنياك علشان نفطر سوا
القى غطائه و هو ينظر لها بحنق
زيد .. يا امى حرام عليكى عايز انااام
عزه .. طب هو انا قلت حاجه قوم أفطر معايا و نام تانى
زيد .. ازاى بقى هيكون النوم طار
وضعت يدها على رأسه تحرك شعره بهدوء و هى تنظر له بحنو
عزه .. انا مستنياك بقالى فتره طويله ايه مش عايز تقعد مع امك شويه
اختفت ابتسامته و هو يتذكر ما كان يحدث فى الماضى كان كما يحدث الان الفرق فقط أن هناك أشخاص اختفت و أشخاص تغيرت فما عادت الحياه كما كانت و لن تعود
زيد .. اكيد طبعا يا امى عشر دقايق و اكون عندك
أعطته اجمل ابتسامتها و هى تتحرك للخارج و قبل خروجها نهائيا التفتت له و هى تتسائل بتقرير تعلم إجابته بالفعل و لكنها
