نظرية البيست فريند بقلم شهد محمد

نظرية البيست فريند بقلم شهد محمد
قاعده في الكافتيريا وقت البريك مستنيه سلمى صحبتي تيجي عشان نفطر سوا الوقت اتأخر وهي لسه مجتش اكيد بتكلم هدهد الجناين بتاعها دقايق وظهرت
_كل ده يا سلمى
_حقك عليا يلا ناكل 
_إذا كان كدا يبقا ماشي 
طلبنا الاكل والعصير وقعدنا ناكل سوا على قد ما انا مبحبش الشغل لاكن وقت البريك ده اجمل وقت في يومي

_عارفه كنت بكلم ياسين وقالي ايه
_خير قال ايه
_جاب الشقه 
_ياقمر الف مبروك يا اجمل عروسه 
_عقابل فرحتي بيكي بقا يا روز نفسي ومنى عيني اشوفك عروسه 
_إن شاء الله 
_الشله كلها اتجوزت ماعدا انتي 
_ربنا يسهل 
_هو كل ما اتكلم معاكي في الموضوع ده تتهربي في الكلام يا روز
_اعمل ايه ياسلمى مش هتجوز غير عن حب ومش لاقيه حد احبه 
_يابت انتي هتجننيني مش لاقيه حد تحبيه إزاي عايشين في جبلاية قرود احنا 
_معرفش بقا ويلا عشان اتأخرنا وهنتهزق 
_يلا يا بايره هانم يلا 
_بايره ده انا حلوه وزي القمر والف مين يهواني بس القلب ومايريد بقا 
_طب يلا ياختي يلا 
رجعنا الشغل تاني كل واحد راح لشغله وبدأت اشوف شغلي لحد ما قطعني دخول واحد المكتب 
_افندم مين حضرتك
مردش اداني كارت فيه اسمه وشغله كان مكتوب ..يوسف الخليجي..
_مرحبآ بيك سيدي ماذا تحب أن تشرب
_اعطيني القليل من الوقت وسوف احضر لك المدير والمشروب 
ضحك وهو بيقولي
_انتي بتتكلمي كدا ليه
استغربت وانا بقوله
_انت بتتكلم مصري
_ما اه الخليجي ده اسم الشركه بتاعتي انا مش خليجي ولا حاجه 
_ااه اوكي تشرب ايه حضرتك
_اريد ان اشرب القليل من القهوه 
ضحكت انا وهو سوا رفعت شعري من على عيني وانا بضحك ورنيت على مديري اخد منه الأذن انه يدخل ليه وبعد ما اخدت الأذن قفلت معاه وقولتله
_اتفضل ادخل الاستاذ في انتظارك 
ابتسم ليا وبعدين رجع خطوتين وقال
_على فكرا شكلك كدا احلى شعرك كان مخبي كتير من ملامحك خليه كدا على طول 
قالها وسابني ومشي 
ايه اللي قالو ده ايه حلاوته دي ايه خفة دمه دي
جريت على مكتب سلمى وانا بقولها 
_لقيته يا سلمى لقيته 
_هو مين
_القرد ااا قصدي الانسان اللي هحبه 
_بجد فين مين هو الجامد اللي فك عقدتك 
_هنا في الشركه
_وواقفين هنا بنعمل ايه خديني عايزه اشوفه 
خدتها على مكتبي وحكتلها اللي حصل وفضلنا منتظرين يخرج عشان تشوفه وبعد شويه كان خرج هو واستاذ مكرم المدير بص ليا انا وسلمى وقال
_الاستاذه روز هتكون السكرتيرة بتاعت حضرتك اما الاستاذه سلمى مسؤله عن المبياعات والأستاذ يوسف هيكون المدير مكاني يا بنات 
_ايه ده بجد امال حضرتك هتروح فين
_طلعت على المعاش بقا يا روز ما انتي لو تسيبك من الروايات اللي كلت دماغك كنتي عرفتي ايه اللي بيجرا في الشركه 
_روز من الصدمه نسيت يا استاذ 
_طبعآ طبعآ انتي هتقوليلي 
بص ليوسف وقاله
_روز دي بنت شقيه ولمضه وسبب مشاكل الشركه كلها ودماغها مش معاها دماغها مع الروايات بس ده ميمنعش انها شاطره في شغلها ولولاها كانت الشركه زمانها في النازل انت محظوظ بالسكرتيرة دي يا استاذ يوسف 
ابتسم وقال
_اكيد
كمل مشي معاه عشان يعرفه على بقيت الشركه وفضلت انا وسلمى في المكتب 
_زوقك تحفه يا بت يا روز مبروك عليكي 
_مبروك عليا ايه انتي التانيه كنتي شفتينا اتخطبنا 
_هتتخطبو 
_بجد يا سلمى
_عيب عليكي ثقي فيا 
_طب هنعمل ايه
_سبيني افهم شخصيته بعدين اقولك على الخطه 
_اوكي 
شوية وقت ورجع المكتب وهو حاطت إيده