نظرية البيست فريند بقلم شهد محمد

وعلى بيتي وعلى اهلي دخلت اوضتي غيرت هدومها لبست ترينج من عندي ودخلت المطبخ عملت عصير وفشار وجت قعدت جنبي احكيلها اللي حصل 
_بحبه يا سلمى بحبه
_عارفه ايه الحلو يا بت يا روز 
_ايه
_انه محتاجش خطط كتيره هي من الخطه الاوله ووقع 
_احنا لقينا بعض اصلآ 
_طب ايه الخطوبه امتا 
_مش عارفه 
_يبقا لازم نعمل خطة احجزني عشان غيرك عايزني
_دي ايه دي
_دي يا ستي خطه كل البنات بتعملها لما بتكون عايزه حبيبها يتقدم ليها 
_اللي هي عباره عن ايه
_بسيطه خالص هتقوليله ان جالك عريس وانتي مش موافقه بس اهلك موافقين فا هيجي زاي شجيع السيما يتقدملك ويلحقك من العريس 
_الخطه دي مضمونه يعني 
_مليون في الميه
_خلاص نعملها بكرا 
_اتفقنا هقوم البس وامشي بقا عشان اتأخرت 
_اشطا 
قامت سلمى تلبس وانا فضلت قاعده بتفرج على صوري معاه لحد ما لفت نظري قلم روج خارج من شنطة سلمى خدته خبيته تحت المخده قبل ما تيجي 
شويه وكانت خلصت وجت سلمت عليا ومشيت ورجعت انا اتفرج على صوري معاه قطع اندماجي مع الصوره رن الموبيل كان هو دخلت البلكونه وبدأنا نتكلم ونحكي عن باقي اليوم كان النجم اللي سماه روز موجود كنا بنتكلم عليه 
عدت الايام وعلاقتي بيه بتطور ومكنتش لسه عملت الخطه بتاعت سلمى عشان قالت مش دلوقتي اخليها بعد فتره
علاقتي بيه مكنتش مفهومه مالهاش اسم معرفش احنا ايه بس اللي اعرفه إن دي العلاقه الاقرب لقلبي يعني مثلآ اقوله انا نازله يقولي لاء مفيش نزول اقوله لاء هنزل وفعلآ انزل الاقيه واقف قدام باب العماره يقولي لفي واطلعي تاني عشان منفرجش الناس علينا
مره تانيه قولتله اني رايحه فرح وقالي لاء وروحت من وراه وجيه خدني من الفرح روحني البيت 
لو انا مجنونه فا هو اجن مني دماغه طقه وممكن يعاند معايا ويفضل طول اليوم قدام باب العماره عشان منزلش بيغير ويقولي ملبسش ده ومكلمش ده ومضحكش مع ده بس برضو مش عارفه احنا ايه
جالي مسدج منه انهارده بيقول فيها ..البسي دريس بينك واجهزي عشان هنروح مكان التعامل فيه مش بالفلوس..
..رديت قولتله امال ب ايه
رد وقال
..هتعرفي لما نروح هناك..
ضحكت وقومت لبست دريس بينك منفوش وميكب بينك وتسريحه سمبل وروج بينك ونزلت كان مستنيني قدام باب العماره ركبت معاه العربيه وطول الطريق كان بيحاول يلملحي بالمكان عشان اعرفه لكن معرفتوش لحد ما وقفنا عند دنكن دونتس بص ليا وقال
_احتليت دنكن دونتس من اجل روز 
ابتسمت ليه نزل وفتح باب العربيه ودخلنا سوا وانا إيدي في إيده كان المكان كل حاجه فيه بينك بلالين بينك دونتس بينك ايس كوفي بينك ماكرون بينك بصيت ليه وانا بقوله
_التعامل هنا ب ايه بقا
مسك واحده من الماكرون وقالي
_ب دي 
_يوسف انا مشفتش اجن منك بجد 
_مبسوطه
_اوي اوي 
_دي أهم حاجه 
قعدنا على تربيزه بينك واحنا بنتخيل لو التعامل ب الماكرون بجد ولو العالم كله لونو بينك بجد 
انا مكدبتش لما قولت اننا لقينا بعض احنا فعلآ شبه بعض في كل حاجه بالمعنى الحرفي 
خلص يومي معاه بعد ضحك وهزار وحكايات وخدت علبة ماكرون بينك عشان حبيته ووصلني لحد البيت زاي كل مره ووقفنا نتكلم مع روز النجم وسلمت عليه قبل ما يمشي وقبل ما اطلع كانت سلمى جتلي قولتلها ندخل السوبر ماركت نجيب حاجات حلوه الاول وفعلآ دخلنا جبنا حاجات كتير ولما جيت أحاسب كنت هحاسب ب الماكرون ضحكت