بسمتي بقلم حليمة حدادي

عايزه اتسببلكم بمشاكل ..
نادية ماتزعليش من كلامه ياحبيبتي إنتي عارفه طبعه ..
بسمة مازعلتش دا بيته وليه الحق إنه يقول أي حاجة أومال فين جوري ..
نادية بأوضتها ماطلعتش منها من إمبارح ..

بسمة بإستغراب ليه إيه اللي حصل هي كويسه .
نادية إبن عمتها جه وطلب إيدها وهي رفضت عمتها ڠضبت ومشيت وعمك محمود ضربها ومن إمبارح وهي بټعيط وقافلة على نفسها ..

بسمة جريت لأوضتها وخبطت على الباب 
جوري پبكاء مش عايزه أشوف حد ..
بسمة أنا بسمة ياجوري إفتحي الباب ..
جوري سمحتلها إنها تدخل أول ماجوري شافتها حضنتها واڼهارت 
جوري شوفتني اللي عمله بابا فيا بابا ضړبني علشان رفضت اتجوز إبن أخته ..
بسمة اهدي ياحبيبتي وقوليلي ليه رفضتي إبن عمتك ..
جوري زي ما بيقولوا هو إبن أمه ومش بيشتغل وأمه هي اللي بتصرف عليه وكل يوم سهرات مش بيتحمل المسؤولية إزاي هعيش معاه أنا مش بحبه وبابا اتعصب وضړبني ..
بسمة اتكلمي مع أمك يمكن تقدر تقنعه ويتراجع ..
جوري أصلا عمتي مش هتيجي هنا ثاني بعدما رفضت إبنها ..
بسمة طب امسحي دموعك وخلينا نستمتع بالوقت قبل مامشي وعدت ماما إني مش هتأخر ..

جوري مش عارفه ليه بابا بيعمل معايا كدا ..
بسمة خلاص بقى ابتسمي خلي القمر يطلع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رجع كريم لقصر علي لاقاه جاهز ولم كل حاجته 
كريم لقيت هناك راجل طيب استأجرلنا بيت ..
علي طب كويس بس هتعمل إيه بالنسبة لشغلك ..
كريم حطيت حد مكاني علشان يتابع الشغل ..
مراد لو المكان ماعجبكوش ارجعوا بسرعه ..
هناء خلي بالك على نفسك ياحبيبي ولما توصل كلمني ..
علي ليه التاكسي معانا عربيه ..
كريم إحنا هندخل للمكان على أساس إننا فقراء يابني ..
رؤيا ههه كريم طلع بيفهم أوي ..
كريم بغيظ اسكتي يابت ليه أنا كنت غبي ..
علي تمام يلا مع السلامه 
ودعوهم ركبوا التاكسي واتجهوا للمكان المقصود ___________________
عند بسمة قضت وقت مع جوري تلفونها رن برقم أمها
بسمة ماما بتتصل إتأخرت أوي 
بسمة ردت ايوه ياماما في إيه حصل حاجه في غيابي ..
جميلة اهدي ياحبيبتي محصلش حاجه بس لازم تيجي دلوقتي ..
بسمة بقلق في إيه ياماما قلقتيني ..
جميلة البيت اللي قدامنا في شابين استأجروه وصاحب البيت عايزنا ننظفه ..
بسمة حاضر ياماما مسافة الطريق وأكون عندك ..
جوري في إيه إنتي مستعجله ليه ..
بسمة في ناس استأجرت بيت ولازم أساعد ماما في تنظيفه ..
جوري تمام لو بابا سمحلي هاجي لعندك ..

بسمة هستناكي ياقلبي سلام ..
ودعت صديقتها وراحت بسرعة بعد مدة قصيرة وصلت شافت أمها مستنياها
جميلة يلا يابنتي صاحب البيت جابلي المفاتح خلينا نستعجل هما على وصول ..
بسمة هغير هدومي وألحقك ..
جميلة بسرعه ماتتأخريش عليا ..
بسمة غيرت هدومها وراحت مع امها وقسموا الشغل بينهم
_______________________
في التاكسي علي حس بالملل 
علي هنوصل إمتا أنا تعبت ..
كريم إحنا دخلنا الحارة فاضل شوية ..

علي تعرف الحارة دي منين ..
كريم كان عندي شغل هنا من فترة ..
علي كويس الظاهر إنك تعرف حاجات كثيره ..
كريم أيوه هههه إطمن كل البنات هنا قمرات ..
علي أنا مش بسأل عن البنات ..
فات القليل من الوقت أتوقفت العربية قدام البيت
علي هو دا البيت اللي هنعيش فيه ..
كريم أيوه هو حلو من جوا ..
نزل كريم فتح شنطة العربيه نزل الاكياس ساعد علي إنه ينزل ويقعد على الكرسي زق الكرسي ناحية البيت
دخلوا لقوا جميلة قدامهم 
جميلة أهلا بيكم إتفضلوا البيت بقى جاهز ..
كريم إنتي مين وبتعملي هنا إيه ..
جميلة صاحب البيت طلب إننا ننظفلكم البيت قبل ماتيجوا تسكنوا ..
كريم أنا بشكركم ..
طلع فلوس من جيبه علشان يعطيها لجميلة
كريم إتفضلي دا حق تعبك ..
جميلة لا يابيه إحنا بنشتغل وصاحب البيت هو اللي بيدفعلنا ..
كريم ماشي تقدروا تمشوا ..
جميلة لو احتجتوا حاجة بيتي هنا ..
كريم شكرا ..
خرجت جميلة هي وبنتها كريم قفل الباب
كريم دلوقتي هترتاح شوية وبعدها نفكر هنعمل إيه ..
على تمام ..
______________________
دخلت بسمة وأمها لبيتهم
بسمة أنا هرتاح شوية ياماما أنا تعبت ..
جميلة تمام ياحبيبتي ..
بسمه دخلت أوضتها ونامت على سريرها الصغير ونامت بعمق
الفصل 3
رواية_بسمتي بقلم_حليمة_عدادي
في نص الليل حس كريم إنه عطشان دور على الميه جنبه مالاقاش خرج من الأوضة علشان يجيب ميه
وهو ماشي جنب أوضة علي سمع صوت أنين خارج من الأوضة خبط على الباب ملاقاش رد كريم دخل الأوضه 
كريم پخوف علي علي فيك إيه ..
مالاقاش منه رد غير أنين خارج قرب منه شافه عرقان كريم حط إيده على رأس علي حرارته كانت مرتفعة
كريم إيه دا حرارته مرتفعة أوي أعمل إيه دلوقتي مافيش مستشفى قريبه ..
كريم مكنش عارف يعمل إيه خطرت على باله فكرة
في بيت جميلة 
فاقت جميلة على صوت خبط على الباب قامت بسرعة لقت بسمة واقفه قدام باب أوضتها 
بسمة في إيه ياماما ياترى مين اللي هيجيلنا في الوقت دا ..
جميلة ماتخافيش يابنتي
جميلة وقفت ورى الباب مين ..
كريم أنا آسف إني بخبط عليكم في الوقت المتأخر دا أخويا تعبان أوي أرجوكي ساعديني ..
جميلة ماتخافش يابني روح وأنا جايه وراك يلا يابسمة خلينا نروحلهم ..
بسمة ياماما إنتي صدقتي كلامه إحنا لسه مانعرفهمش ..
جميلة ماتخافيش يابنتي مش هيقدر يعمل حاجة ..
غيروا هدومهم بسرعة ولحقوا بكريم
لما وصلوا كان الباب مفتوج جميلة خبطت سمعت صوت كريم من جوا 
كريم تعالي ياطنط إحنا جوا ..
دخلت جميلة وبسمة وراها 
شافوه قاعد جنبه
كريم حرارته مرتفعه ومش عارفه أعمل إيه ..
بسمة ډخله الحمام بسرعة حطه تحت الميه وبعدها خرجوا ..
كريم شاله دخلوا الحمام وساعدته جميلة شويه وطلعوا من الحمام كريم غيرله هدومه وسمحلهم يدخلوا
كريم هنعمل إيه دلوقتي ..
جميلة إنت روح للصيدلية هات له دواء خافض للحرارة ..
كريم الصيدليه بعيده خليكوا معاه لحد ماأرجع ..
جميلة إطمن يابني إنت روح بسرعه ..
كريم خرج يجري كان خاېف يحصل حاجة لعلي
جميلة بسمة روحي إعملي له عصير لمون وأنا هعملوا كمادات ..
بسمة حاضر هشوف لو لقيت حاجه بالمطبخ ..
بسمة دخلت المطبخ دورن لقت المون عملتله عصير 
جميلة إشرب يابني العصير هيفيدك ..
علي بصوت تعبان مش عايز .. 
بعد وقت جه كريم ومعاه الدواء 
كريم أنا جبتله الدواء هينزله الحرارة ..
بسمة ساعده يقعد علشان يأخذ الدواء ..
كريم بقلق علي استحمل شوية ساعده علشان يقعد وشربه الدواء ونام ..
كريم مش عارف اشكركم إزاي لولاكم مكنتش هعرف أتصرف إزاي ..
جميلة ماتقولش كدا إحنا ماعملناش حاجة أي حد مكاننا كان هيعمل كدا ..
بسمة حطت الكمدات على رأسه وسرحت وهي بصاله من أول مرة شافته وصورته ماراحتش من بالها
كريم وجه كلامه لبسمه متشكر أوي تعبتكم معايا ..
بسمة ماردتش عليه كان كل تفكيرها مع علي وكزتها أمها
جميلة بسمة خلينا نمشي مافيش داعي للشكر يابني دا واجب بسمة يلابينا شدتها من ذراعها ..
بسمة في إيه ياماما ..
جميلة هنمشي دلوقتي والصبح إن شاءالله هنيجي علشان نطمن عليه ..
كريم مرة ثانية شكرا ..
جميلة الشكر لله يابني ..
جميلة خرجت وبسمة وراها سرحانه علي مش راضي يروح من بالها لحد مادخلوا البيت 
جميلة في إيه يابت مالك من لما دخلنا وإنتي سرحانه ..
بسمة مافيش ياماما أنا بس نعسانه هدخل