شهرزاد وقعت في الحب بقلم شهد محمد
انت في الصفحة 1 من 9 صفحات
شهر زاد وقعت في حب معاق بقلم شهد محمد
في السابعه صباح بتوقيت القريه كنت واقفه قدام البوتجاز او الشعله زاي ما بيقولو عليها هنا بحضر الفطار.. بصيت من الشباك لفت نظري ورده حمرا جميله مفتحه في وسط كل الورود خرجت جبتها ورجعت تاني اكمل تجهيز الفطار ..حضرت ليهم الفطار وبعدين الشاي وبعدها طلعت لاوضتي كنت رايحه جايه جنب الشباك عايزه اشوفه المفروض إن ده الوقت اللي بيظهر فيه كل يوم مظهرش ليه بقا
الحكايه بدأت لما بابا توفى ومبقاش ليا اي حد في الدنيا بالمعنى الحرفي وقتها صاحبة ماما خاڤت عليا اعيش لوحدي وجوزتني ابنها .. ابنها اللي هو كراش الطفوله هو اه مبيحبنيش ومتجوزني ڠصب عنه لكن انا متأكده اني هعرف اخليه يحبني قطع سرحاني فيه صوت مامته وهي بتنادي عليا
نزلت ليها ساعدتها في شغل البيت وطلعت تاني اوضتي ابص عليه من الشباك لكن مكنش موجود دقايق والباب خبط
_مين
_انا يا روز افتحي
_خير يا حبيبه في حاجه
_ااه ياسين عايزك في حديقة البيت الخلفيه
_عايزني انا
_ايوا
_هو اللي قالك كدا يعني
_طيب روحي انتي وانا هنزل له
_اوكي
قفلت الباب ودخلت ابص لنفسي في المرايا حطيت روج عدلت الجلابيه القطيفه بتاعتي وخبيت خصل شعري اللي كانت باينه في الطرحه ونزلت روحت للحديقة الخلفيه بس مكنش موجود ! دقايق وظهر كريم صاحبه
_اهلآ يا كريم هو فين ياسين
_كان هنا ولسه ماشي
_اه تمام عن اذنك
_استني بس كنت عايز أسألك على حاجه
طلع علبه فيها خاتم من جيبه وقال
_انا جبت ده للبنت اللي بحبها تفتكري هيعجبها
_ده تحفه ده يهبل يا كريم
_هتقدم لها للجواز
_الف الف مبروك
_الله يبارك فيكي متشكر انك قولتي رايك لأني حقيقي كنت محتار
_مفيش شكر ولا حاجه احنا اخوات وربنا يتمم ليك بخير
_يارب يا مرات اخويا يارب
ابتسمت له وسبته وطلعت اوضتي كنت مستغربه كان عايزني في أيه واحنا مفيش اي كلام بيجمعنا اصلآ ميكونش كان عايزني عشان ياخد رأيي في خاتم كريم حاولت اشيل الفكره من دماغي وفضلت اقراء في كتاب قديم لحد ما نمت قطع نومي صوته
..معقوله اكون بحلم فتحت عيني لقيته في اوضتي دي اول مره من ساعات ما اتجوزنا يدخل اوضتي!!
_تسمحي تقوليلي ايه ده
قالها واداني ظرف ..فتحته وانا متوتره ولقيت صور ليا انا وكريم صحبه واحنا في الجنينه الخلفيه لما كان بيوريني الخاتم
بصيت له وانا خاېفه رغم اني معملتش حاجه وقولت
_هو انت شاكك فيا
_انا بسألك سؤال دلوقتي ايه ده
_ده انا وكريم
_حلو وضحي بقا معنى الصور
_انت بتقول ايه انت عارف معنى كلامك ده ايه
_ايه!!
_معناه انك شاكك فيا انا وصاحبك فوق يا ياسين فوق
_انتي طالق ..
قطع حبل ذكرياتي صوت السواق
_يا انسه .. يا انسه وصلنا
_اا احم طيب احنا كدا فين
_انتي عايزه تروحي فين
_اي مكان فيه فنادق
_هتلاقي قدام في الشوارع الجايه
_تمام متشكره اوي
نزلت من التاكسي دورت على فندق وبعد ساعه من التوهان في الشوارع اخيرآ وصلت لفندق حجزت فيه كام يوم وطلعت بعد ٢٤ ساعه سفر وساعتين ونص طريق اخيرآ بقيت لوحدي بعد ما أطلقت من اكتر انسان حبيته بتهمه بشعه في حقي اخيرآ هعرف اعيط بعد ما اطردت من بيته ومن البلد كلها اخيرآ هاخدني اطبطب عليا وأبدا من جديد .. دخلت خدت شاور سخن مختلط بدموعي المفروض كان يصدقني كان يثق فيا لكن هو ما صدق مسك عليا غلطه عشان يسبني .. انا اللي غلطانه من الاول كنت حمل تقيل عليه .. خرجت من الحمام اترميت في حضڼ السرير
عدا يوم والتاني والتالت وانا مبخرجش من الاوضه مش باكل مش بتكلم مع حد بعيط بعدين اخد راحه من العياط وانام وارجع اعيط تاني
فلوسي كانت قربت تخلص ومكنش هيبقا معايا فلوس للفندق تاني .. قومت خدت شاور قصيت شعري حطيت ميكب وعملت فنجان قهوه ..ومن اول بوق من فنجان قهوتي قرارت اني هبدأ من جديد
