شهرزاد وقعت في الحب بقلم شهد محمد
هبدأ كأني مفشلتش أبدآ
نزلت ادور على شغل لكن ملقتش رجعت للفندق تاني طلبت الجرايد ودروت على اي عمل في الجرايد برضو مالقتش فتحت موبايلي عملت سيرش عن اي عمل ولقيت شغل كويس بسعر ممتاز وكمان ينفع ابات في شغلي .. كان الشغل عباره اني اهتم بشخص معاق! مهتمش لموضوع هعرف او لاء قد ما اهتميت اني محتاجه الشغل ده فعلآ ..رنيت على الرقم الموجود وطلبوا مني اجي يعملوا معايا انترفيو الاول الوقت كان لسه بدري فمكنش فيه مشاكل اني اروح دلوقتي ..
دخل بكرسي بعجل مكنتش شايفه ملامحه اوي لحد ما وصل لعندي وقال
قالها وكلهم خرجو مبقاش غيري انا وهو كنت متوتره قلقانه من نظراته قطع خۏفي صوته وهو بيقول
_بتعرفي تقرأي
_ايوا
_بتعرفي تحكي حواديت
_بتعرفي تلعبي شطرنج
_لاء
_ليه
_يمكن عشان مجربتش
_طيب انتي عارفه انتي هتشتغلي هنا ايه
_ههتم بحضرتك
_انا اسفه والله اكيد التعبير خاني
_انتي اسمك ايه
_روز
_طيب انتي هتشتغلي شهرزاد يا روز
مشي بالكرسي قدام مكتبه كلها كتب وشاور عليها وقال
_كل الكتب دي مطلوب منك تقراهالي
_ده هيكون شغلي!
_في أغلب الأحيان اه ممكن يختلف في مره مثلآ نلعب شطرنج او لعبه جديده او نخرج او تهتمي بيا زي ما قولتي من شويه ..
_طيب تحب حضرتك استلم الشغل من امتا
_من دلوقتي فيه مشاكل
_لاء خالص
_تمام
خرج بره الصالون وجت بنت من لبسها باين إنها بتشتغل في البيت خدتني ورتني اوضتي ومشيت فضلت انا برتب حاجاتي وانا بفكر في الشغل الجديد الغريب ده وبفكر في اللي جرالي بفكر في ملامحه حرام شخص زي القمر زيه يكون معاق ! بس دي حاجه مش بإيد حد غير ربنا ! لكن ملامحه تجنن جميل بطريقه متتوصفش عايز يتبروز من جماله
ساعه ورا ساعه ومكنش جيالي نوم الفجر اذن قومت اتوضيت وصليته ودخلت بلكونة الاوضه ولسه هسرح في القمر الباب خبط .. فتحت الباب وكان هو كان قاعد على الكرسي بتاعه وفي إيده طبق فيه توت وفراوله وقالي
_تعرفي تعملي كيكه ب دول
ابتسمت ليه وقولت
_اعرف
_المطبخ يمين اخر الطرقه
قالها واداني الطبق ..اخدته منه ودخلت المطبخ وقفت اعمل الكيكه وانا مستغربه شخصيته حسيته شخص حاد صارم مع الكل بس برضو حسيته طفل صغير عنده خمس سنين يمكن هو الاتنين!
خلصت الكيكه وخرجت عشان اديهالو وكان قاعد على الكرسي بتاعه وهو على رجليه بنوته صغيره اول ما شافني قال
_الكيكه جت اهيه يا حبيبت بابا
..بابا! وانا اللي فكرت الكيكه ليه هو!
قربت منهم وانا مبتسمه قدمت الكيكه البنت خدت مني الطبق وشكرتني وراحت تقعد على السفره عشان تاكله كانت في حدود ال ٨ سنين بريئه رقيقه وجميله جميله زاي باباها..
_بنتك
_ايوا
_الحواديت اللي كنت بتسألني بعرف احكيها ولا لاء هتبقا عشانها هي
_امال عشاني انا !!
_اسفه مقصدش بس يعني انا اتفجأت ان فيه طفله
_مبتعرفيش تهتمي بالأطفال
_لاء خالص انا بحبهم جدآ وبعرف اكون حنينه عليهم بعرف اكون ام وصاحبه واخت
_طب تمام هو ده المطلوب كل حاجه عنها هتعرفيها بكرا واسف اني صحيتك في وقت متأخر لكن مقدرش أرفض ليها طلب
_ولو انا اصلآ كنت صاحيه بعدين ده في الاول والاخر شغلي يا استاذ .. ااا احم انا معرفش اسم حضرتك
_يوسف
_ده شغلي يا استاذ يوسف
_تمام تتأكدي انها نامت بعدين تنامي انتي اوضتها جنب اوضتك بظبط بس الأهم من ده كله ان رونزي بنتي بتتعلق بأي حاجه بسرعه أشخاص بقا او العاب او حيوانات أي حاجه بتتعلق بيها بسرعه وبتتعب لو الحاجه دي بتفارقها فا لو ناويه تسيبي الشغل في يوم من الايام تقدري تمشي من دلوقتي
_مش هسيب شغلي!
_مفيش
