قيامة ذكرى لعادل عبد الله
بتشتتني ومش بتخليني اعرف اذاكر
الام _ طيب انا هعمل اللي انتوا عايزينه بس استحملوا بعض شوية
وفي المساء وبعد تناول العشاء تكرر نفس العراك بين الاختين حتي دخلت عليهم الام وقالت _ انتوا بتتخانقوا تاني ليه
ايناس _ عايزة انام وبنتك مش عايزة تطفي النور
ايمان _ قولتلها يا ماما اصبري نص ساعة اخلص مذاكرة واطفي النور
في اليوم التالي استيقظت الام وايقظت بناتها الاتنين وقاموا وتناولوا الافطار وقبل نزول الام ذاهبة الي عملها قالت لها بنتها
ايناس _ عايزين فلوس مصروفنا وفلوس الكتب كمان .
الام _ خدي عشرين جنية ليكي وعشرين لأختك وأجلوا فلوس الكتب لما اقبض معاش ابوكم اول الشهر
الام _ اومال عايزة كام يا حبيبتي
ايناس _ علي الاقل ٥٠ جنية ومش هتكفي كمان
الام ٥٠_ جنية يا مفترية ولما اديلك ٥٠ واختك ٥٠ هناكل ونعيش منين خدي العشرين جنية واحمدي ربنا
ايناس _ يا ماما مش هتنفع
ايمان _ خلاص يا ماما سيبك منها دي مچنونة
الام _ انتي رجعتي بردو يا ايمان وسبتي اختك ترجع لوحدها
ايمان _ نفس اللي بيحصل كل يوم يا ماما وقفت استناها وهي واقغة مع زمايلها ومش حاسة بيا بصي يا ماما بنتك مش صغيرة انا كده خلاص مش هستناها تاني .
عادت ايناس متأخرة كعادتها ثم قالت لها الام _ بردو مفيش فايدة فيكي يا ايناس وقفتي مع زمايلك وسبتي اختك واقفة تستناكي
ايناس _ يا ماما بنتك هي اللي عايزة اول لما تخرج من المحاضرة تجري علي البيت
الام _ اومال عايزاها لما تخرج من جامعتها تعمل زيك ياريتك تعملي زيها وعلي العموم هي مش هتستناكي تاني ولو رجعتي متأخرة يا ابناس زي كده تاني انا هحرمك من المصروف خالص
الام _ خلاص ولا كلمة يلا بينا ننقل سريرك وحاجتك في اوضتك .
واخيرا كلا من ايمان وايناس اصبحت لها غرفة مستقلة كانت ايمان تعود من جامعتها وبعد تناول الطعام تذهب لغرفتها تذاكر دروسها وبين الحين والاخر تدخل الي الانترنت وتتصفح للترفية عن نفسها واحيانا ترجع الي بعض الكتب والمراجع عليه لمساعدتها في مذاكرتها او لمشاهدة بعض الفيديوهات .. بينما ايناس بعد عودتها من جامعتها كعادتها يوميا وسماع التوبيخ الدائم من امها بسبب تأخيرها تتناول طعامها ثم تدخل غرفتها وتظل بها منعزلة تماما وكأنها تعيش في مكان اخر بعيدا عن المنزل
ايمان _ انا جاية تعبانة من الجامعة يا ماما اتصلي ببنتك وقوليلها تجيب الحاجات دي وهي طالعة
الام _ ايناس مش معها فلوس وانتي عارفة مبعرفش اعتمد عليها في حاجة
ايمان _ حاضر يا ماما اعمل ايه يعني مقدرش ازعلك
اخدت ايمان بعض الاموال لتنزل من البيت وبعد خروجها من باب الشقة ونزولها بعض درجات السلم سمعت اصوات همهمات منخفضة وعندما نزلت ببطئ لاستطلاع الأمر وجدت اختها ايناس تقف مع جاسر ابن الجيران امام باب شقته عن قرب شديد شبه ملتصقين بمجرد ان اقتربت منهم انتفضوا بسرعة ثم صعدت سريعا ايناس الي الشقة.. بينما اغلق جاسر باب شقته بسرعة حاولت ايمان ايقاف اختها قبل صعودها ولكنها فشلت نزلت ايمان واشترت طلبات المنزل وعادت سريعا تلهث الي المنزل وجدت امها تنتظرها لتناول الغداء معا فسألتها عن اختها ايناس .
ايمان _ اومال بنتك فين
الام _ رجعت مش عارفة مالها ولما سألتها قالتلي انها تعبانة ودخلت اوضتها تنام حتي مش رضيت تتغدا معانا وقالت ان ملهاش نفس
وبعد تناول الغداء دخلت ايمان غرفة اختها فسألتها _ ايه اللي انا شوفته ده يا بت انتي
ايناس _ مفيش حاجة ده انا كنت راجعة وطالعة علي السلم وهو وقفني وقعد يتكلم وانا حاولت اطلع لكنه كان وافف قدامي
ايمان _ يعني انتي ملكيش علاقة بالولد ده
ايناس _ لا ابدا ده هو اللي ساعات بيرخم عليا
ايمان _ طيب انا هقول لماما علشان تكلم مامته وباباه يمنعوه يعمل كده تاني
ايناس _ لا علشان خاطري يا ايمان بلاش تقولي لماما
ايمان _ مادام خاېفة يبقي ليكي علاقة بالولد ده
ايناس _ لا مفيش بس مش عاوزة شوشرة علشان سمعتنا
ايمان _ يعني بعد اللي انا شوفته ده عايزاني اسكت
ايناس _ صدقيني يا ايمان مفيش حاجة ده
