قيامة ذكرى لعادل عبد الله

كان موقفني وعمال يتكلم كلام فارغ ملوش لازمة مفيش اكتر من كده 
ايمان  _ طيب انا هكلم مامته بنفسي علشان توقفه عند حدوده 
ايناس  _ خلاص يا ايمان متكبريش الموضوع 
ايمان  _ لأ انا هكلمها علشان الموضوع ميكبرش 
ايناس _  خلاص انا هكلمها انا واوعدك لو جاسر عمل كده تاني هقولك وهاقول لماما وانتوا اتصرفوا 
ايمان _  طيب يا ايناس بس علفكرة انا هسكت المرة دي وهشوفك هتعملي ايه لكن هراقبك والاحظك كويس ولو حسيت ان في حاجة زي كده حصلت تاني هكلم ماما وعمك وهما يتصرفوا 
ايناس  _ صح كده وانا موافقة 
مر اكثر من اسبوعين علي هذا الحال وفي مساء احد الايام بينما دخلت الام لتنام شعرت ايمان ببعض من الملل فذهبت الي غرفة نوم ايناس لتتكلم معها قليلا وقفت ايمان امام باب غرفة نوم ايناس ودقته برفق فلم تجيبها ففتحت الباب لتري ان كانت ايناس نامت ام مازالت مستيقظة فوجدت ايناس تتحدث إلى احدهم 
ايمان  _ انتي بتعملي ايه
ايناس اغلقت المكالمة بارتباك ملحوظ _  انا كنت بكلم بنت صحبتي 
ايمان  _ كدابة انا كنت شايفاكي بتكلمي ولد 
ايناس  _ لا ده هدير صحبتي اللي كنت بكلمها 
ايمان  _ هدير مين بقولك انا شوفته 
ايناس  _ طيب بالراحة بس علشان ماما متسمعش وانا هقولك الحقيقة 
ايمان  _ اتفضلي اتكلمي لكن ورحمة بابا لو كدبتي هروح اقولها 
ايناس _  حاضر ده لؤي 
ايمان _ مين لؤي 
ايناس _  ده شاب اتعرفت عليه علي النت وعايز يتجوزني 
ايمان  _ عرفتيه من علي النت وعايز يتجوزك انتي عبيطة يا بت ولا بتضحكي عليا 
ايناس _  ليه
ايمان  _ هو فيه حد بيتعرف علي النت علشان يتجوز 
ايناس _  ايوه فيه كتير
ايمان  _ لا يا حبيبتي مفيش كلهم بيلعبوا ويتسلوا
ايناس  _ لأ فيه انا اعرف بنات وشباب كتير اتجوزوا عن طريق النت 
ايمان  _ هفترض ان كلامك صح دي بتكون صدفة ممكن تحصل مرة في الالف انما كل اللي بيتعرف علي النت بيكون بيتسلي ويضيع وقت
ايناس  _ لا لؤي بيكلمني بجد انا عرفته كويس ومتأكدة 
ايمان  _ عرفتي منين انه بيتكلم بجد 
ايناس  _ ده بعتلي صورة بطاقته وكل حاجة عنه وخلي اخته كمان تكلمني 
ايمان  _ انتي بتكلميه من امتي
ايناس  _ من حوالي ٣ شهور 
ايمان _  وفي ٣ شهور بس قدرتي تقولي انك تعرفيه كويس 
ايناس _  ايوه 
ايمان  _ رغم اني مش مقتنعة بالكلام ده لكن هفترض بردو انه صح وحقيقي ده يديلك الحق انك تكلميه وكمان وانتي بالمنظر ده 
ايناس  _ وماله منظري
ايمان  _ شعرك المكشوف دا اسمه ايه انتي ناسية انك محجبة
ايناس _  اصله قال انه عايز يشوفني قبل ما ييجي يخطبني
ايمان  _ بيضحك عليكي يا عبيطة كان كفاية اوي لو صادق في كلامه انه يشوف صورتك اللي علي البرفايل 
ايناس  _ انا متأكدة ان لؤي مش بيضحك عليا 
ايمان  _ واتأكدتي ازاي 
ايناس  _ اصل لؤي ده ابن ناس اغنيا وباباه عنده شركة كبيرة ولو كان عايز يتسلي فيه الف بنت تتمني تكلمه وتتعرف عليه انما هو اختارني انا 
ايمان  _ طيب لو هو صادق في كلامه وعايز يخطبك فعلا قوليله ييجي يتقدم ويخطبك من ماما
ايناس  _ طيب انا هقوله وهتشوفي اذا كان هييجي ولا لأ 
ايمان  _ ماشي يا ايناس بس خلي بالك انا كنت هقول لماما بس قدامك اسبوع لو مش هييجي يخطبك هقول لماما علشان تاخد منك الموبايل 
ايناس _  لا علشان خاطري بلاش تقوليلها 
ايمان  _ لما نشوف الاول هييجي يخطبك ولا لا 
ايناس _  ان شاء الله هييجي قريب اوي 
ايمان  _ هو بيشتغل ولا لسه بيدرس 
ايناس  _ هو في سنة رابعة هندسة لكن هو جاهز للجواز بعد التخرج علطول علشان باباه اللي هيساعده في الجواز اول لما يتخرج 
ايمان  _ انا مش مرتاحة خالص للموضوع ده لكن انا هتابعك واشوف اخرتها ايه معاكي ومعاه 
ايناس _  اخرتها دبلة الخطوبة وفستان الفرح يا حبيبتي 
ايمان  _ انا نفسي والله يكون كلام حقيقي قوليلي صحيح اللي اسمه جاسر ده وقفك وكلمك تاني علي السلم 
ايناس  _ لأ من ساعتها مش بشوفه خالص وبعدين جاسر مين ده اللي هبصله انا هتخطب للؤي احسن منه كتير وامور اوي عنه وفلوسه كتير ومركزه كبير ومستقبله مضمون 
ايمان _  طيب بالراحة علي نفسك بس لتطلعي لفوق لفوق وبعدين تقعي علي جدور رقبتك وساعتها هتبقي صدمتك كبيرة اوي 
ايناس  _ بطلي كلامك اللي يجيب احباط ده 
ايمان  _ حاضر يا ايناس هبطل كلام ومش هتكلم خالص لكن عاوزاكي تفتكري ان مهلتك معايا اسبوع بعدها هقول لماما واهم من كل حاجة اوعي اعرف انك كلمتيه فيديو كول تاني ساعتها هكسر رقبتك 
وبعد يومين ايمان راجعة من الجامعة وكانت وحدها ركبت الميكروباص وطلعت الاجرة من شنطتها واعطيتها لشاب كان قاعد جنبها اتفاجئت به بيقولها  _ لا خلاص خليها عليا انا المرة دي 
اتلفتت ونظرت له بتعجب واستنكار وقالت له  _ اتفضل حضرتك ابعت الاجرة للسواق 
_ انا بتكلم جد خلاص انا دفعتلك 
_ بتهزر