عشقي الطاهر لزهرة الربيع

_ طاهر راجع يا فيروز هتعملي ايه هتخبي ابنه ازاي اكيد هيقلوله ان سليم ابنه لو احنا سكتنا جدي هيقوله
قالت فيروز پخوف_ لا لا مش هيعرف جدي جدي وعدني مش هيقوله دا عدا ٤ سنين ومقلوش مش لازم يعرف يا سهى ارجوكي
سهى قالت _ طب..طب اهدي بس فكري معايا..لما يسأل مين ده وابن مين هنقول له ايه
فيروز فكرت شويه پخوف شديد وقالت بسرعه_ ابنك..هنقول انه ابنك قوليله عرفتي انك حامل بعد ما مشي ومجاتش مناسبه نقول له ارجوكي يا سهى
قالت سهى بارتباك _ ماشي هيه فكره بس سليم ممكن يناديكي قدامه و

فيروز قالت بسرعه_ مش مهم سليم انا هبقى اتصرف معاه المهم ميعرفش ده معندوش ضمير شوفتي عمل فيا ايه..ممكن يا خدو مني اموت فيها ياسهى
سهى قالت_ بعيد الشړ عنك ياحببتي انتي بس اهدي كده واتكلمي مع جدي وسليم وانا هكلم كارم جوزي هو صحيح مسافر بس احسن يرجع قبل ما طاهر يمشي
قالت فيروز پخوف_ تمام..انا انا هروح اكلمه حالا
وفعلا نزلت فيروز هيه واختها وحكت لجدها اللي ناويه عليه
جدها راجل كبير في سن السبعين قال بحزن_ يا بنتي طب ما نخزي الشيطان وانا ا
اتنهد وقال بحزن_ حاضر يا بنتي لله الامر من قبل ومن بعد
في المطار كان قاعد شاب في ال٣٠ شيك جدا وجذاب جدا جدا بملامح حاده قعد في انتظار الطياره جات بنت جميله قعدت جمبه وقالت_ هيه الفيوم دي بعيده اوي يا طاهر
طاهر بصلها وقال_ لا مش كتير ان شاء الله مش هنطول
البنت قالت_ بس المهم منطولش هناك تطلق البنت اللي هناك ونرجع على طول
طاهر قال بضيق_ ندى انا رايح اشوف جدي وافضل كام يوم معاه وهطلقها بالمره يعني مش رايح مخصوص علشان الطلاق فمش كل شويه تقولي طلقها طلقها
ندى قالت_ وانا قولت ايه بس يا حبي انا غلطانه يعني اني بغير عليك
طاهر اتنهد وقال_ غيري براحتك بس من غير ما تضايقيني 
واتكأ على الكرسي وغمض عنيه كلم ما بتيجي سيرتها بيفتكر لحظات مغابتش عن باله يوم واحد من ساعة فرحه عليها
فلاش باك
دخل الاوضه پغضب شديد وقال_ فيروز
فيروز وقفت بفرحه وقربت عليه وابتسمت ابتسامه تجنن وقالت_ نعم يا ابن خالي
طاهر حاول يهدى قدام جمالها بس مقدرش قال_ احم انتي ايه اللي انتي عملاه في نفسك ده
فيروز لفت بفرحه وقالت برقه_ حلوه
طاهر _ جدا تجنني تقتلي
ابتسمت بفرحه وقالت_ طاهر انا انا من زمان من زمان بحبك اوي و و وكنت كنت بتمنى نتجوز و
طاهر ضحك بخفه وقال_ بتحبيني هو انتي لحقتي تحبي وقال انا انا كمان بحبك اوي اوي .
في صباح يوم جديد قام من النوم وكانت نايمه في حضنه بهدوء اتنهد بضيق شديد من اللي عمله ولعڼ نفسه ولعڼ غبائه الف مره وقام استحمى وطلع بقى يجهز شنطة هدومه بجمود
فيروز قامت وبصتله باستغراب وقالت_ صباح الخبر يا طاهر انت بتعمل ايه
طاهر مبصلهاش وقال_ احم مسافر انا رجعت علشان وصية ابويا اننا نتجوز بس ادينا اتجوزنا وخلاص
نظرت اليه بدهشه وقالت_ يعني ايه يعني .يعني معاك شغل وهترجع مش ده
طاهر قال بجمود_ لا مش راجع انا بحب واحده وهنتخطب وجوازي منك ده شئ اتفرض عليا انسي موضوعي خالص ومتحلميش بيه
سحب شنطته وهيمشي بس لبست الروب بسرعه ووقفت قدامه وقالت_ انت انت بتقول ايه هو انا زعلتك في حاجه ها زعلتك حد زعلك طيب طاهر ارجوك خلينا نتفاهم وقولي مالك
لكن طاهر اتنهد وقال بحزم_ فيروز انا مش بحبك ومستحيل احبك انا انا عندي طموحاتي حياتي كلها سفر ومغامره مستحيل ادفن نفسي معاكي ببيت وعيال مش هقدر اعيش الحياه دي سامحيني
نزلت دموعها بغزاره وصدمه وقالت_ بس بس انت امبارح امبارح قولتلي انت
لكن قاطعها وقال_ تقدري تسميها اي مسمي غير اللي وصلك انا هسافر ولما يعدي فتره على جوازنا