عشقي الطاهر لزهرة الربيع

هطلقك كده اخر حاجه ممكن اقدمها
قال كلامه بمنتهى البرود كأنه بيقولها صباح الخير ومشي وسابها مڼهاره ومصدومه من اللي حصل
فاق طاهر من شروده على ايد ندى بتهزو شويه وقالت_ طاهر انت روحت فين يلا الطياره هتطلع
قام طاهر هو وندى وطلعو بالطياره على بلد جده
في البيت كان الجميع منتظر طاهر حتى فيروز رغم انها مش طيقاه بعد اللي عمله معاها لكن كان عندها فضول تشوفه وتشوف البنت اللي هيخطبها لبست دريس رقيق ومتفصل على عودها الجميل وسابت شعرها نازل زي العاده على اكتافها كانت جميله جدا وكانت بتحاول تبين جمالها بس بطريقه بسيطه مش عايزه اللي حواليها ياخدو بالهم انها مهتمه
جات بنت صغيره ١٢ سنه دي نانسي بنت سهى الكبيره قالت_ وصلوا يا جدو وصلوا
الجد وقف بفرحه شديده لان دي اول مره هيشوف حفيده من ٥ سنين وفيروز حطت ايدها على قلبها اللي كان هيطلع من مكانه
دخل طاهر بطلته اللي تأسر القلب واتقدم عليه جدو اللي حضنه بشده وشوق وطاهر كمان كان مشتاقله جدا وقال_ وحشتني يا جدي وحشتني اقوي
جده قال بدموع_ انت اكتر يا غالي يا ابن الغالي
سهى كانت عيونها على البنت اللي دخلت معاه كانت طويله وجميله زي عارضات الازياء ولابسه بنطلون جينز وتوب ضيقين جدا وبتبص للمكان بقرف شديد
طاهر سلم على الكل وسلم على سهى وعلى اولادها نانسي وخالد وطبعا سليم اللي هو اصلا ابنه وقف ثوني قدامه وبقى يبصلو باستغراب من الشبه الكبير جدا اللي بينهم وقال _ معقوله انت ابن كارم غريبه متشبهوش خالص
الكل اتوتر وسليم قال ببرائه_ صحيح..انت تشبهني اكتر
طاهر بصلهم باستغراب وسهى قالت بسرعه_ وفيها ايه دي يا سليم يا حبيبي ما اهو انكل طاهر يبقى ابن عم بباك وابن خالي انا كمان وطبيعي يشبهك
ابتسم طاهر باستغراب وقال_ جايز
ومرر عيونه في المكان كانت واقفه في زاويه بعيد عنهم اول ما بصلها بعدت عيونها بسرعه.. ابتسم بسعاده من جواه على مظهرها الجميل البسيط كبرت وبقت انثى بكل معنى الكلمه وجمالها ذاد اضعاف اتنهد وقال بابتسامه_ ازيك يا فيروز
ابتسمت بالعافيه وقالت_ حمد الله على السلامه
وبصت للاطفال وقالت_ يلا يا اولاد خليني انيمكم
راحو معاها الاطغال التلاته هيه متعوده بتنيمهم هما التلاته حتى تروح تنمام
اتنهد طاهر وبص لطيفها بابتسامه وقال_ كبرت فيروز كبرت واحلوت بس شكلها لسه شايله مني
جده بص للبنت اللي جايبها معاه بضيق وقال_ لا ملهاش حق
ضحك طاهر وقال _ ياااه دي مش لوحدها اللي شايله بقى
وبص لسهى وقال_ معلش ياسهى خدي ندى وخليها تريح عايز اتكلم مع جدي شويه
سهى بصت لندى بضيق وقرف وقالت_ تعالي يا اختي علشان تريحي واهو تلبسيلك حاجه واسعه بدل اللي كاتم على على نفسك ده
ندى طلعت معاها وطاهر ضحك على سهى وكلامها وبص لجده وقال_ ها بقى معقوله جدي الغالي لسه زعلان مني
اتنهد جده وقال _ لا وانت عملت حاجه تزعل
طاهر قال _ يا جدي مش انت صاحب الفكره دي كلها من اولها انت وبابا الله يرحمه السبب قولته اتجوزها زي ما كارم اتجوز اختها علشان متضطرش تسافر عند اعمامها وعلشان ميخدوهاش بعد ما توفت مامتها زعلان ليه دلوقتي
جده بصله بضيق وقال_ انت عارف انا زعلان ليه انا اشترطت عليك لو هتتجوزها علشان تنفذ وصيه ابوك وتعمل برغبتي تتجوزها وتسافر براحتك وتتجوز وتعمل اللي انت عايزه وتكسرها كده وتمشي ده حتى ميرضيش ربنا
حط ايده على رقبته بحرج وقال_ احم ما هو ما هو انا كنت ناوي اعمل كده بس معرفتش ڠصب عني 
جده قال بضيق_ انت اللي شوفت بنات بعدد شعر راسك ضعفت طب والغلبانه دي اللي مفكرتش غير فيك طول عمرها مفكرتش فيها نهايته ..فيروز تبقى حفيدتي بنت بنتي زي ما انت ابن ابني انا اتحايلت على المرحوم ابوها علشان يتجوز بنتي هنا معايا علشان متغبش عني وربيت فيروز على ايدي مش هاجي دلوقتي اكسرها علشانك انت تطلقها وتروح تتجوز اللي جايبها معاك دي او تتجوز غيرها انت حر المهم تطلق البنت وتسبها تشوف حياتها..
وبعد عنو شويه وقال بخبث_ العرسان بتتقدم لها كتير ولازم تطلقوا الاول علشان تشوف نصيبها
وقف وقال پغضب_ تشوف