عشقي الطاهر لزهرة الربيع

ايه انت هتجوزها
جده ابتسم وبصله باستغراب وقال_ طبعا هجوزها البنت صغيره ولازم تتمتع بشبابها ده يضايقك في حاجه
طاهر خد باله انه انفعل حاول يهدى وقال_ احم..ابدا بس افتكرت انكم عايزينها معاكم ومش عايزينها تبعد من هنا
جده قال _ لا متقلقش ما انا اكيد هجوزها واحد من هنا وقريب من هنا اوي وكمان عينه منها كتير اللي مستنيها تطلق على احر من الجمر هيه بس تختار
طاهر اتضايق جدا ومكانش عارف ايه اللي خنقه كده وقال_ احم تمام هطلع اريح تعبان نتكلم بعدين
طاهر طلع وراح ناحية اوضتو بس جات عينه على اوضة فيروز افتكر ايام زمان فابتسم وقرب من الاوضه وفتحها ودخل وبقى يدور فيها وافتكر كل لحظه بينهم وابتسم لما افتكر ملامحها ولسه هيقوم اتفتح باب الحمام وخرجت فيروز وهيه بتنشف وشها ومش شيفاه بس طاهر اتجمد مكانه فيروز نزلت الفوطه وهتتحرك شافته واټصدمت بشده لسه هتصرخ في لمح البصر كان عندها وحط ايده على بقها وقال _ اشششش اهدي
وبقى يتامل فملامحها هنا فيروز الڠضب بان في عيونها وطاهر قال _ليه الڠضب ده كله بس انتي لسه شايله مني زعلانه علشان مشيت ولا علشان كنت معاكي قبل ما امشي
فيروز مكانتش عارفه تتكلم من ايده اللي على بقها وطاهر بص في عيونها وقال _ اه يا بنت عمتي عيونك ميتنسوش ابدا 
وبصلها وقال_ كلك متتنسيش
هنا فيروز استجمعت قوتها وعضته في ايده اللي على بقها بقوه فطاهر سابها واتألم جامد وقال_ اه يا مجنونه انتي لسه بتسنني ولا ايه
فيروز قالت پغضب_ اطلع من اوضتي حالا احسن والله انادي لجدي واڤضحك قدامه وقدام حبيبه القلب
طاهر ضحك جامد وقعد على السرير ببرود وقال_ شكلها حبيبة تلقلب مضيقاكي جامد على العموم انا متأكد اني مش ههون عليكي تعملي كده عارفه ليه
فيروز مكانتش بترد بس بتبصله پغضب وطاهر وقف وقرب منها وقال_ علشان انتي لسه بتحبيني واضح في عيونك ومعاكي حق انا متنسيش
فيروز دفعته وقالت پغضب _ قولتلك اطلع حالا احسنلك
طاهر قال_ ليه خاېفه خاېفه اتأكد من اللي بقوله
فيروز قالت بتوتر_ انت واحد مغرور انا نسيتك من اول يوم متضحكش على نفسك
طاهر وقف قصادها وبص لها بتحدي وقال_طب مستعده تثبتي اللي بتقوليه ده عندك القوه لكده
فيروز بصتله باستغراب مش فاهمه يقصد ايه قالت_اثبت ايه انت عايز ايه بالظبط 
بس قبل ما تكمل طاهر قال _تصدقي وحشتيني
فيروز كانت كارهه نفسها لابعد الحدود لانها نست اللي عمله بسرعة وبعدت عنه وحطت اديها على وشها وبقت تبكي جامد
طاهر استغرب وقال_فيه ايه ليه بټعيطي على فكرة احنا متجوزين يا فيروز و
بس قاطعته وقالت ببكا وصراخ_ لا مش متجوزين احنا مش متجوزين انت انت مبقتش جوزي من يوم ما سبتني يوم الصبحيه يوم ما كسرت قلبي ودست عليه ومشيت فانت مش من حقك تقربلي 
ومسحت دموعها بعصبيه وقالت _اطلع اطلع بره اطلع حالا يلا اطلع
طاهر اتنهد وقال_اهدي يا فيروز محصلش حاجه لكل ده
فيروز بصتله پغضب رهيب وقالت بدهشه من كلامه _محصلش حاجه هههه فعلا محصلش حاجه معاك حق ولا اي حاجه ايه يعني ايه يعني استغليت حبي وضعفي وبعدها مشيت ايه يعني خمس سنين مفتكرتش انك اتجوزت واحده هنا وهنتها ووجعتها عارف يا طاهر انت معاك حق فعلا محصلش حاجه اتفضل اخرج بدال ما الم عليك البيت ومش هتساهل معاك ابدا
طاهر اتنهد ومشي ناحية الباب وقال_ انا خارج بس مش علشان خاېف من جدي ولا علشان اي حد انا هخرج علشانك انتي حاسس انك مش قادره تفضلي معايا في مكان واحد 
وبعد وبص لعيونها اللي كانت بتترجاه يخرج وابتسم ابتسامه حلوه وقال_ حلو الحب في عيونك يا بنت عمتي رغم اني مستاهلوش
قال كده وطلع وفيروز قفلت الباب وراه بسرعه وقعدت وبقت تبكي بحزن كبير.
في صباح يوم جديد كان الكل نزل يفطر وكانت فيروز بتحضر الفضار هي وسهى وقالت_ خدي سليم وقعديه يفطر مع الاولاد وانا هجيب باقي الاطباق
سهى قالت _ حاضر يلا يا سليم
بس سليم وقف جمب فيروز وقال _ ماما 
فيروز بصتله وقالت_ نعم يا حبيبي
سليم قال_ هو انتي ليه مش عيزاني اقولك يا