شبيه أخي لأسماء عبد الهادي

فاستغرب منها اكتر وسابها ومشي
ولما رجع للبيت فضل يفكر فيها ويقول ايه البنت الغريبة دي انا مشوفتش كدا ف حياتي بس منكرش انها لذيذة اوي
اما هي فكانت فرحانة انها شافت اخوها تاني وقالت مش هخليك تبعد عني تاني ابدا 
وراحت ع الجامعة وبعد المحاضرات فضلت تدور عليه قدام الجامعة زي ما قابلته المرة اللي فاتت لكنها ملقتوش 
استمرت لمدة اسبوع تدور عليه بلهفة وعنيها كلها حماس انها تشوفه لكن مش مبتشوفه فعنيها تدمع وتمشي وهي معيطة
ادم كان كل يوم متابعها بعربيته وهو بيكلم نفسه مش عارف ايه اللي بيخليني اجي كل يوم ف نفس المعاد علشان اشوفها معقول شغلت تفكيري للدرجة دي لا لا انا كنت بس عايز اتأكد ان البنت دي متخلة عقليا وهي فعلا كدا دي شكلها بتدور عليا فعلا دي مش طبيعية ابدا

وعدى كمان كان يوم وبردو يارا ميأستش وكل يوم تدور ع ادم وتلف حوالين نفسها بدموع 
ادم حس بالشفقة ناحيتها فراح ليها وقال من وراها بتدوري على حاجة
لفت وشها ليه واول ما شافته بشكل تلقائي ادم واخيرا لقيتك
ادم اتخشب مكانه ومبقاش قادر يتحرك وقال ف نفسه يخربيتها ايه اللي المچنونة دي بتعمله 
وبعد عنها بسرعا وقال بحدة انتي بتعملي ايه يا بنتي انتي نسيتي نفسك احنا قدام الناس للدرجة دي سمعتك مش فارقة معاكي مش فارق معاكي الناس تقول عنك ايه
هزت راسها وهي بټعيط 
تؤ مش فارق معايا اي حاجة او اي حد غيرك انت وبس
ادم ايه سر اهتمامك ليا بالشكل دا ما هو مش هتضحكي عليا وتحاولي تقنعيني انك بتحبيني
يارا بدون وعي وكأنها بتكلم اخوها محمود 
اه بحبك بحبك جدا واوي وخالص كمان انا بحبك والله العظيم بحبك
ادم بحرج وهو بيبص حواليه اشش بس اسكتي يخربيت شيطانك الناس هتسمعك تقول ايه اسكتي
يارا قالت برجاء 
هتيجي عندنا تطلبني من بابا امتا ارجوك ارجوك لاما والله العظيم هعيط وهلم عليك الدنيا
ادم معرفش يتخلص منها واتأكد انها مچنونة فعلا 
طب خلاص خلاص هجيلكم بس اديني يومين كدا اظبط اموري اتفقنا
يارا بفرحة 
اتفقنا ممكن بقا تروحني
ادم اروحك فين
يارا وصلني على بيتنا يا آدم ارجوك
ادم تمام ماشي مفيش مشكلة تعالي اركبي عربيتي اهي
ولما مشيت معاه لعند عربيته وفتحلها الباب وقال يلا اتفضلي
فضلت تبصله شوية وهو فضل يبصلها محتار في نظراتها دي ومش قادر يفسرها ابدا 
لحد ما فجأة لقا عنيها قلبت مرة واحدة وغمضت ووقعت على الارض
جري عليها بسرعا ولحقها قبل ما دماغها تتخبط بالارض 
ااا يا نهار ابيض انتي اغمى عليكي يااا انا صدقي مش عارف اسمك
بسرعا وډخلها عربيته وحاول يفوق فيها لكنه معرفش فقرر ياخدها بسرعا ع اقرب مستشفى
وهناك الدكتور فحصها 
فقال ادم باهتمام 
خير يا دكتور مالها فاقت!!
الدكتور للاسف البنت بتعاني من صدمة نفسية حادة هو انت 
ادم مكانش عارف يرد يقول ايه فقال ااا انا اا قريبها يا دكتور بس طمني هي هتبقى كويسة
الدكتور ان شاء الله تكون كويسة بس الاهم انكم تبعدوها عن اي ضغوطات او صدمات والا وقتها الوضع مش هيكون مبشر ابدا عامة هي دلوقتي تحت مفعول المهدئات ومش هتفوق دلوقتي
ادم تمام شكرا يا دكتور
دخل ادم لاوضة يارا وفضل يبص عليها وهي نايمة وبيكلمها فضل يتأمل في ملامحها البريئة ويقول 
شكلك برىء اوي ونقاء قلبك ظاهر على ملامحك بس يا ترى ايه حكايتك بالظبط وفيكي ايه وايه الصدمة النفسية الحادة اللي الدكتور اتكلم عنها انتي كنتي كويسة وفجأة اغمى عليكي وايه سر تعلقك بيا لا انا لازم اعرف حكايتك ايه
وفجأة سمعها بتقول 
محمود محمود متسبنيش بالله عليك انا مش هقدر اعيش من غيرك خليك جنبي يا محمود
ادم قال ف نفسه محمود!! ومين دا كمان هو انتي تعرفي كم حد بالظبط!! معقول محمود دا سبب صدمتك النفسية دي وهو خلي بيكي علشان كدا قررتي تتعلقي بأي حد تقابليه وخلاص علشان تنسي محمود بتاعك دا هو دا سرك هي دي حكايتك طب انا هسيبها مرمية كدا ف المستشفى من غير ما ابلغ حد من اهلها ولا اعمل ايه .. اه صح انا معايا رقم والدها هي ادتهوني
فضل يدور عليه لحد ما لقاه ولما