نفوس قاسېة..بقلم منى أحمد حافظ..الجزء الثاني.

فأنا سايبك بمزاجى إنما لو فكرت بس تهوب ناحيتها هنسفك.
عقد مازن حاجبيه وقال تحدى.. دا الموضوع جد بقى وتفتكر بتحبك وإنت مشلۏل كدا لله ف الله ولا شفقة ولا طمعانة فاللي عندك.
زفر آدم وقال.. سهر متعرفش حاجة عنى ولو سمحت لمرة واحدة خليك بنى آدم.
جلس مازن بهدوء وقال.. امممم وماله هسيبهالك بس هتعمل إيه لو هايدى عرفت.
أغمض آدم عيناه وقال.. هايدى ملهاش حاجة عندى اللي كان بينى وبينها انتهى من سنين بس هي اللي لسه عايشة الوهم ولو كنتم اتعاملتم معاها على الأساس دا كان زمانها عايشة حياتها بعيد عنى انتم اللي فارضينها على حياتى أنا مش عارف أنتم ليه مش عاوزين تسيبونى فحالى أنا سبت لكم كل حاجة فلبنان عاوزين إيه تانى.
أجابه مازن وقال.. أنا عن نفسى مش عاوز بس إنت عارف عمك بقى لو عرف هتبقى فخبر كان. 
شعر آدم بالخۏف على سهر من حديث مازن المبطن بالټهديد فهو لم يفكر في عمه وهايدى ويعلم مدى خطورتهم إن علموا أنها فقط تتحدث معه فما ستكون ردة فعلهم إن علموا أنه يشعر بحب لها فقال يحاول أن يراجع مازن عن أفكاره.. ما أنت لو مقولتش محدش هيعرف حاجة عنها.
وقف مازن ومال على آدم وقال.. إنت بتحبها ولا إيه يا آدم.
همس آدم وقال.. أيوة يا مازن أنا بحبها وفعلا خاېف عليها منكم انتم شړ ماشى على الأرض دا أنا اللي منكم مسلمتش من شركم بلاش يا مازن أرجوك شيلها من دماغك وانسى إنك شوفتها.
عاد مازن إلى مقعده وفكر قليلا وقال بصدق.. خلاص يا آدم أوعدك وعد شرف مش هجيب سيرة عنها بس إنت خلى بالك كويس أنا المرة دى ال بحذرك لو عرفوا بيها ذنبها هيبقى فرقبتك إنت وبس وأحمد الرب إن أنا اللي جيت النهاردة لإن هايدى اللي كانت جيالك أنا همشى أشوف حالى وعلى فكرة أنا مسافر عالية على آخر الإسبوع مش محتاج حاجة منى.
هز آدم رأسه بقلق وقال.. لا مش عاوز بس لو ينفع تاخد هايدى معاك يبقى معروف مش هنسهولك.
ضحك مازن وقال.. أنا أخد هايدى يبقى إنت نسيت هايدى لما يبقي في حاجة بتعبرها ملكها بتبقى عاملة إزاى.
سمعا الاثنان صوت يقول.. جايبين فسيرتى ليه يا شباب إيه شغل النم دا مش عيب عليكم ولا إيه.
الټفت الاثنان لها وقد علت الدهشة والقلق وجهيهما فقال مازن.. مافيش يا هايدى بنقول إنى مسافر عالية وآدم قال أشوفك لو محتاجة حاجة من هناك اجيبهالك.
توجهت هايدى إلى آدم وجلست على قدمه واحتضنته وقالت.. مش محتاجة حاجة خلاص أنا معايا اللي أنا عوزاه كله.
رفع مازم حاجبه لآدم وغادر في صمت فقالت هايدى لآدم.. ها حبيبى موحشتكش الفترة اللي فاتت دى إنت مسئلتش عنى خالص.
أبعد آدم وجهه عن هايدى وقال.. مليون مرة أقولك بلاش طريقتك دى مافيش بينا حاجة تسمح لك تقربى منى بالشكل دا يا هايدى انتى بنت ولازم تبقى خجولة عن كدا.
ضحكت هايدى وهي تطبع قبلة على خد آدم وقالت.. إحنا ف حكم المخطوبين يا آدم وبنحب بعض وبعدين إنت عارف إن دى طريقتى مع اللي بحبهم ومش أول مرة.
نظر لها آدم وشرد في خجل سهر وعفويتها وبرائتها وقال.. اتمنى تكون أخر مرة وتحترمى رغبتى وبعدين أنا فهمتك إحنا أصدقاء وبس ومافيش بينى وبينك أى حب وعمر ما هيحصل ارتباط بينا وانتى فاهمة كدا كويس.
قامت هايدى من على قدمه پغضب وقالت.. لا يا آدم أنا اللي أعرفه وفهماه اننا لبعض وإنت ال لازم تفهم كدا كويس إنت ليا أنا وبس يا آدم خليك عارف كدا كويس.
حدق فيها آدم بأسف وقال.. خسارة إنك مش قادرة تحترمى كونك بنت وتقدرى نفسك.
صاحت به هايدى پغضب وقالت.. آدم مش ملاحظ إنك بالشكل دا بتهين فيا وأنا مقبلش أبدا انك تكلمنى كدا.
اڼفجر آدم غاضبا وقال.. وأنا مقبلش إنك ترمى بنفسك بالشكل دا عليا أنا فهمتك مليون مرة شيلينى من دماغك أنا عمرى ما هكون ليكى مهما عملتى انتى فاهمة وبعدين أنا لو ساكت ومش بتكلم وسايب كل واحد يعمل ال هو عاوزه فدا علشان أنا عاوز أعيش فهدوء إنما لو فاكرين إن سكوتى ضعف يبقى انتو اللي هتخلونى أقلب وحقيقى محدش فيكم هيتحمل لو آدم عمران صفى حسابه مع الكل.
ابتلعت هايدى غصة خۏفها من ڠضب آدم فهو لم يصل لحالة الثورة هذا من قبل فتراجعت عنه وقالت.. أنا مش قصدى أى حاجة صدقنى وعموما أنا هسيبك ترتاح شوية تحب اوصلك لسريرك.
أدار آدم مقعده بعيدا عنها وقال.. لا يا هايدى واتفضلى لو سمحتى.
غادرت هايدى وهي تكاد تجن فهى لم تتخيل أن يتحول آدم بتلك الطريقة فقررت أن تعود إليه في اليوم التالى تحاول إرضاءه ومراضاته.
تآكل الندم قلب سهر فجلست على فراشها تبكى وتلوم نفسها لزيارتها لآدم فأحست