نفوس قاسېة..بقلم منى أحمد حافظ..الجزء الاخير.

متسحبش معروفك منه لاننا مش بنتعامل مع بعض يا آدم احنا بنعامل ربنا.
بهتت ملامح آدم ونظر إلى عينا سهر لتفاجئه بقولها.. ربنا لما بيحط حد فطريقك علشان تساعده بيكون كاتب ال جاى بعد كدا هيبقى ايه بس بيمتحنك أنت بموقفك معاه سواء كان يستحقه أو لا المهم امتحانك أنت ساعدته وقفت جانبه عملت ال عليك يبقى تمام النتيجة حسابها عند ربنا رد فعل ال ساعدته دا صان فدا امتحانه هو لو خان يتحمل عاقبه أعماله.
التقط آدم كف سهر وقبله وقال.. طيب اسمعينى كويس واتمنى تستوعبى ال كان ممكن يحصل لو مكنتش اخدت حذرى يوم لما داليا جت وصممتى انى اشغلها كلفت مهندس عندى يحط فالمكتب كاميرات ولما سافرنا تابعت المكتب من هناك وعرفت أن داليا بتفتش على ملفات معينة كلمت إسماعيل وراقبها وعرف أن عمى للاسف بعتها تاخد ملفات معينة من مكتبى ودلوقتى زمنها بتنسخ كل حاجة من على اللاب بتاعى علشان تبعتهم لعمى طبعا للاسف بردوا أن عمى مافيش عليه أي إدانة قانونية لان المحاثات كانت بينهم فالتليفون على ما نثبت هناخد وقت طويل وللاسف اللي هتيشيل الليلة هي داليا لوحدها أنا اسف يا سهر انى خبيت عليكى واسف انى اضطريت اقولك دلوقتى بدل بالليل بجد مش عارف ليه قلت لك دلوقتى.
استمعت سهر لكلمات آدم وحاولت استيعاب مدى سذاجتها وشعرت بأن داليا استغلتها بطريقة مريعة فدمعت عيناها وقالت بحزن.. أنا اسفة يا آدم انى كنت نقطة الضعف ال استغلوها علشان يوصلوا ليك بس أنا فعلا لازم اتغير و.
شدها آدم وقال فجأة.. اوعى تبطلى تبقى نقطة ضعفى لانك اقوى نقطة ضعف فحياتى يا سهر انتى بتكملينى بضعفك دا أنا بعشق ضعفك وقوتك اوعى تتغيرى يا سهر مهما كانت الناس مستغلة وتفكيرها فمصلحتها عارفة ليه.
هزت سهر رأسها بالنفى ومسحت دموعها فأجابها آدم وقال.. علشان لما بنتعامل بنتعامل مع ربنا مش انتى قولتى كدا احنا بنتعامل بضعفنا وربنا بيقوينا عارفة أنا كنت فاكر انى هعلمك درس انك متثقيش فحد تانى ومتبقيش طيبة مع أي حد بس انتى ال علمتينى أن الضعف قوة كبيرة وانا لما بكون معاكى ببقى قوى بيكى. أنا بحبك اوى يا سهر.
ابتسمت سهر واحتضنت آدم وقالت.. وأنا بعشقك يا دومى ممكن بقى نلحق المستشفى علشان نطمن على رشدى.
صاح آدم بتذمر وقال.. جنة يا سهر مش رشدى.
جنة آدم..
لا أمل أبدا من التحديق إليها ولا أعلم هل بسبب براءة عيناها أم لرقة ملامحها. كم تبدلت خلال الأشهر الماضية ف أزداد وزنها وزادها الحمل جمالا يكاد يطيح بعقلى. هل يمكن أن تتجسد السعادة حقا في هيئة أحد أمامك نعم هي تتجسد حقا وأراها والمسها وأعيشها مع سهر فهى سعادتى وملاذى. جلس آدم كعادته منذ شهور يراقب كل حركة تصدر عن سهر ويتابع تصرفاتها فها هي للمرة العاشرة تربت على بطنها وتتحدث مع طفليها نعم طفليها. فهى منذ علمت أنها تحمل توأم صارت تتبحج أمامه أن حدسها صدق بل نادتهما برشدى وعمران. وحاول آدم كثيرا أن يثنيها عن قرارها ولكنها تشبثت بأسمى أطفالى يالها من مشاكسة مخادعة تعلم متى تنال منى مرادها كما تبغى. التفتت سهر إلى آدم وأبتسمت له بهدوء وقالت.. حبيبى مين شاغل باله غيرى.
تنهد آدم بسلام وقال.. مافيش غير سهرى هي اللي شاغلة كل تفكيرى هي صاحبة العقل والقلب.
تحركت سهر ببطء فهى تشعر بثقل بجسدها ولكنها أخفت الأمر عن آدم حتى لا تزعجه ولكن نظراته لها أعلمتها بإحساسه بها.
فغادر مكانه ومد يده يساعدها لتجلس بجانبه وقال.. مش حاسة إنك عاوزة تولدى يا سهر.
أطلقت سهر ضحكتها المعتادة وقالت.. مش ممكن مفروض أنا اللي كل شوية أقولك يا آدم الحقنى أنا بولد إنما اللي بيحصل العكس إنت اللي كل ساعة تسألنى إن كنت عاوزة أولد ولا لسه بجد يا آدم إنت حالتك بقت صعبة أوى.
ضمھا آدم بحنان إلى صدره وقال وهو يقبل جبينها.. عاوز اطمن عليكى لانى عارف إنك بتخبى عليا إنك حاسة بۏجع زى دلوقتى.
ربتت سهر على وجنة آدم وتهربت من حديثه وقالت.. ولما سألتنى فالشهر التالت كان إيه بص يا حبيبى لما أحس بۏجع الولادة هقولك وأكيد أكيد مش لوحدك اللي هتعرف إنى بولد.
تنهد آدم وقال.. لا بس المرة دى أنا فعلا حاسس إنك بتولدى.
حدقت سهر به بدهشة وحاولت الوقوف فاسرع آدم وكاد أن يحملها فرفضت وقالت.. لا يا آدم قلت لك متشلنيش تانى علشان ظهرك أنت على فكرة بقيت مهمل أوى فصحتك بتراعينى أنا وجاى على حساب نفسك الأسبوع ال فات لما صممت تشيلنى الدكتور حذرك علشان رجليك ممكن بقى حبيبى ميتهورش و.
صمتت سهر فجأة وضغطت بقوة على كف آدم وقالت.. آدم الظاهر إن كلامك المرة دى صح.
أجابها آدم وهو يضع يده على ظهرها يدعمها لتقف وقال.. على فكرة