نفوس حائرة  بقلم منى أحمد حافظ الجزء الاخير

أنى أسلمك لياسين بايدى كانت حرب فيها موتى أنا حتى دلوقتى حربى فاللحظة دى أنك يا تقبلى بيا يا ترفضينى فقوليلي يا جنة أنتى عوزانى زى ما أنا عاوزك ولا مش حسانى من الأساس ولسه بتحبى ياسين.
الټفت جنة ونظرت لآدم وقالت بهدوء_.. مش عارفة أنا عاوزة أيه أنا محتارة أرجوك يا آدم سبني لوحدي أنا فعلا محتاجة أكون مع نفسي من غير أي ضغط لا منك ولا من أي حد لأني مبقتش فاهمة أي حاجة من اللي حصلت وبتحصل.
توجه آدم صوب الباب وأخرج المفتاح من جيبه وفتح وقال وهو يغلقه خلفه_.. أنا راجع مصر يا جنة وخدي كل وقتك ويا تقطعي الورقة يا تختاريني سلام.
مضت باقي أيام الإجازة وعاد الجميع إلى القاهرة لتندمج جنة مع دراستها من جديد بعدما أضاعت الكثير من الوقت بسبب انخراطها في مسائل الحب وتحاشت التواجد مع آدم نهائيا حتى حين تراه في الفيلا مع عمران ورشدي تتجنب الحديث معه حاولت تجنب التفكير فيه لتجد أنها ټغرق أكثر معه ورغم استطاعتها إخفاء كافة انفعالتها عن الجميع كما تعودت الا أنها شعرت أنها واضحة كالشمس بسبب نظرات والدتها وكحالها كل مساء تجده يحتل كافة أفكارها وأحلامها في منتصف نهار اليوم التالى دخلت جنة كعادتها تنادى على والدتها ولكنها وجدت عمران يستقبلها ويقول لها_.. هششش وطى صوتك في ضيوف جوا اعقلى شوية بقى وبلاش جنان.
سارت جنة بجانب اخيها فشاهدت ريهام ووالدها ومعهم فتاة أخرى وشاب حاولت تذكره ولكنها فشلت فسلمت عليهم وجلست بجانب والدتها ومالت تسئلها بصوت منخفض_.. ايه أنت جايلك عريس ولا ايه يا ماما.
حدق بها والدها بحدة بعدما سمع همساتها فشعرت بالحرج وهمت أن تغادر ولكنه طلب منها ات تبقى وقال لها بجدية_.. الأستاذ أحمد جاى النهاردة علشان يطلب ايدك لابنه محمد يا جنة هو بيقول انه يعرفك من الكلية كان ماسك امانة الجامعة.
نظرت جنة تجاه محمد وابتسمت بحرج وقالت_.. طيب عن اذنكم أنا لان عندى صداع من الكلية وورايا أبحاث عاوزة تخلص.
اسرعت جنة إلى غرفتها تحتمى بين جدرانها وهي تعلم أن والدها لن يدع ما فعلته يمر مرور الكرام ليدخل اليها غرفتها وهو يعقد حاجبيه ويصيح بوجهها ويقول_.. اديتك كامل الحرية تعيشى حياتك انما انك تكونى قليلة الذوق بالشكل دا فانا مش هسمح لك يا جنة ولعلمك أنا وافقت على عرض الأستاذ أحمد ويوم الخميس هنقرا الفاتحة وتلبسوا الديل ودا اخر كلام عندى يا استاذة يا محترمة.
خرج آدم كالإعصار من عند جنة ولم تستطع سهر أن تدخل اليها فهى تجاوزت الحد وتسببت في احراج والدها واحراج الجميع فسمعت طرقات خفيفة على بابها فهمست بصوت باكى_.. تعالي يا ماما ادخلى.
ضحك عمران وقالت بمرح_.. يعنى لو مش ماما مينفعش ادخل.
ابتسمت له جنة وقالت_.. تعالى يا عمران ادخل أنا هسمعك كمل محاضرة الأدب والأخلاق أنت كمان.
تنهد عمران وجلس بجانب جنة وقال_.. بصي يا جنة أنا لا هزوق الكلام ولا هلف عليكى بيه انتى وقفتى قصاد الكل وحاربتي علشان ياسين وفالاخر عرفتى أن قرار بابا كان هو الصح وانا شايف انك تجربى المرة دى اختيار بابا ليكى على فكرة محمد أخلاقه كويسه جدا وانسان متدين ويعرف ربنا وفوق دا واضح انه معجب بيكى فادى نفسك فرصة معاه يمكن تلاقى انه فعلا قدر يكسب قلبك.
همت جنة أن توضح له ما دار بينها وبين آدم ولكنها تراجعت ووجدت نفسها تقول_.. حاضر يا عمران أنا هجرب اختيار بابا المرة دى علشان ابقى عملت اللي عليا بس لو مقدرتش اكمل محدش يحاول يجيب لي أي عريس تانى ممكن.
ابتسم عمران وقال_.. تمام كدا الاتفاق منصف للجميع عن اذنك لما ابلغ بابا انك وافقتى.
نادته جنة وقالت_.. عمران هي العملية هتتعمل امته.
ابتسم لها عمران وقال_.. الأسبوع الجاى وحضرى نفسك بقى عاوز وحش مقاتل يتبرع لي ولا هتخلعى زى رشدى ما خلع بعد ما الدكتور قال انه عنده نسبة سيولة تمنع الحراجة.
تحركت جنة صوب عمران واحتضنته وقالت وهي تقبل رأسه_.. حياتى كلها فداك يا عمران وان شاء الله هتتحسن وتبقى احسن من الأول.
قبلها عمران وقال بامتنان_.. ربنا ميحرمنيش منك يا جنة ويارب اشوفك احلا عروسة فالدنيا كلها.
أتى الخميس سريعا لترتدى جنة أحد فساتينها المعتادة ولم تحاول التجمل باى شكل من الأشكال رافضة أي مظهر من مظاهر البهجة وتشبثت برأيها رغم معارضة والدتها لها ورغم الحاح مريام وفاطمة وزهرة كذلك لتجلس بجانب محمد ويرفع يدها ليضع دبلته في اصبعها ولكنها فجأت الجميع بربط اصبعها ونظرت بحرج وقالت_.. معلش اټجرحت فايدى ممكن ابقى البسها لما صوبعى يخف.
واخدت الدبلة منه واحست بالراحة رغم ظهور الضيق على وجهه فاعطاها دبلته ليرتديها فوضعتها وهي ترسم ابتسامة باهتة رغم سعادة الاخرين ابتعدت جنة عنه قليلا وبحثت بعيناه عنه فسمعت همسات والدتها من خلفها