نفوس حائرة  بقلم منى أحمد حافظ الجزء الاخير

هينفي أنها حقيقة أما فيما يخص جزئية ياسين فأنا كنت هطلقك يا جنة لو كنتى فعلا اختارتي ياسين بس بما أني أتأكدت أنك بتحبيني زي ما أنا بحبك يبقى نكمل جوازنا وأنا بطالبك بيه.
صړخت جنة بوجهه وقالت_.. مستحيل يحصل أنت فاهم مافيش جواز بينا ولا هيكون.
أردفت جنة قولها باتجاهها سريعا نحو باب غرفتها وأخذت تطرق فوقه بقوة وصوتها يعلو بندائها لوالدها فجذبها آدم وكمم فمها وأردف_.. أهدي علشان محدش أصلا هيجي عمي آدم أخد والدتك وخرجوا يا جنة.
دفعته جنة عنها وقالت_.. لو قربت لي ھقتلك يا آدم أنت فاهم أنا مستحيل أوافق على الجنان دا أنت عملت فيهم أيه يا آدم أنا عاوزة بابا افتح الباب دا أرجوك وسيبني أخرج وأوعدك هنسى كل الهبل اللي أنت قولته وعملته دا.
ابتعد آدم عنها وقال_.. مش بقلك أنت غبية يا جنة أنا جوزك وكل اللي مطلوب منك أنك تأكدي على موافقتك وسيبي الباقي عليا أنا يا حبيبتي أنا هاخد موافقتك وهروح أفاتح عمي بالموضوع كله وصدقيني أنا هركع أدامك وأطلبك من تاني و.
جلست جنة على طرف فراشها ونظرت إليه وانخرطت في البكاء فاقترب منها آدم وركع أمامها وقال_.. جنة آدم أنا بحبك وعايز اتجوزك قولتي أيه.
حدقت جنة بوجهه وقالت_.. أنا مش فاهمة حاجة أنت مين أصلا أنا مبقتش عرفاك.
تنهد آدم وقال_.. هريحك يا جنة وهفهمك كل حاجة بس جاوبينى الأول ورقة جوازنا العرفي دا ليها كام سنة.
أجابته جنة بحيرة_.. ليها اكتر من ١١ سنة مضيت عليها وأنا عندى ٩ سنين وزي ما قلت لك محدش فينا وقتها كان فاهم أن اللعب دا حرام وباطل و.
وضع آدم أصبعه فوق شفتيها وقال_.. سؤال أخير يا جنة تقدري تقولي لي آخر مرة شوفتيني بروح فيها الكنيسة كانت أمته
هزت جنة رأسها بعدم معرفتها ولكنها تذكرت مشاحناته مع والدته بسبب عدم ذهابه للكنيسة معهم فأجاب عنها آدم وقال_..من وأنا عندى 14 سنة عارفة ليه مبروحش علشان محدش يعرف أني أسلمت يمكن تمردي من صغري على ماما وتزمتها هو اللي خلاني أقدر أحافظ على سري وهو اللي ساعدني أن محدش يعرف عني حاجة ولازم تعرفي أنك أنت السبب فتمردي يا جنة قلبي اللي حبك من أول لحظة شافك فيها وأتعلق بيك مقدرش يستوعب أن اللي كنت فاكر أنه عادي يبقى حرام ومينفعش ودا سبب لي صدمة وخلاني رافض الحياة ولو تفتكري أن ففترة جالي أكتئاب وحالتي ساءت مع الكل لدرجة أني رفضت كلام والدك معايا وبعدت عنه وعن الكل وقتها سافرت عاليا قعدت هناك يومين وبعدها هربت لتركيا فضلت هناك تلت شهور لحد ما قدروا يوصلوا لمكاني ولما رجعت كنت بني آدم تاني فكل حاجة وقتها وأنا فتركيا أتعرفت على واحد كلمني كتير ونصحني أني أقرا قبل ما أقرر أخد أي خطوة وقعدت فبيته وأعتزلت الناس لكن الوحيدة اللي مكنتش بقدر أعتزل عنها هي أنت كنت بحلم بيك كل يوم علشان كده طلبت منه أنه يساعدني فأني أشهر أسلامي وبعدها أتمسكت أكتر بالورقة علشان لما يجي الوقت المناسب ليها أقدر الزمك باللي مكتوب فيها وأنا دلوقتي بلزمك بيها يا جنة وبقولهالك أنا عايز جنة مراتي.
بهتت ملامح جنة ونظرت له پصدمة وقالت وهي تحاول تمالك أعصابها_.. أنا مش مصدقة لانك ولا مرة حسستني أنك بتحبني ولا حتى بتفكر فيا بالعكس كنت بتعاملني زي رشدي وبتقعد تسمعنى وأنا بحكى لك على كل حاجة لأني كنت شيفاك صديقي أنت أزاي كنت قابل أحكي لك على حب المراهقة ولا أعجابي بياسين ومكنتش بتنفعل ولا بتتكلم وكنت بتنصحني و.
أجابها آدم بهدوء_.. الحب مش أنانية يا جنة الحب عطاء وأنا لما لاقيتك مش حاسة بيا مقدرتش الزمك بأي مشاعر ليا كتمت كل حاجة جوايا وفصلت نفسي ومشاعري وفضلت جانبك سند ليك قولت أخليني جانبك أحسن ما تتوهي من غيري أو تضيعي كنت قابل أكون فالظل إنما مخسرش وجودى فحياتك علشان كده وقفت معاك وكنت فضهرك لأخر وقت حتى لما روحت لزهرة وأخدت منها رقم ياسين فدبي وكلمته كل دا علشان أكون منصف معاك لأخر وقت علشان لما أقف أدامك زي دلوقتي ميبقاش في أي ماضي فحياتك ووقت ما كنت واقفة معاه كنت هتجنن وأجري عليك أخبيك جوايا بس مقدرتش أكون أناني ولما دخل ياسين وقال أنه هيطلبك من عمي وأنك موافقة قلت خلاص هقطع الورقة وأطلقك علشان تقدري تعيشي حياتك اللي أنت اخترتيها لحد ما لاقيتك وسمعت رفضك له وقتها وأنت بتفكريني بكلامك معايا يوم إسكندرية عرفت أني كسبت الحړب معاك.
وقفت جنة وابتعدت عنه وقالت_.. حرب أيه وهو أساسا مكنش في حرب بينى وبينك يا آدم.
تنهد آدم وتحرك ليقف خلفها وقال_.. أنت الحړب نفسها يا جنة أنى أشوف أختيارك وأساعدك فيه على حساب نفسى حرب